თურქეთის პრეზიდენტი სირიაში არასაფრენი ზონის გამოცხადებას ითხოვს და „ისლამური სახელმწიფოს“ წინააღმდეგ კოალიციაში თურქეთის ჩართვასაც არ გამორიცხავს.

რეჯეპ ტაიპ ერდოღანს სირიელი დევნილების დასაცავად აუცილებლად მიაჩნია თურქეთისა და სირიის საზღვარზე ბუფერული ზონის შექმნა და სირიის საჰაერო სივრცის ნაწილობრივი ჩაკეტვა.

რადიკალი ისლამისტების წინააღმდეგ ბრძოლას თურქეთში მცხოვრები ქურთებიც უერთდებიან. ამ მიზნით ათობით ქურთმა სირიაში გადასვლა სცადა, რასაც შეტაკებები მოჰყვა. სამართალდამცავებმა მათ შესჩერებლად ცრემლსადენი გაზი გამოიყენეს.