საქართველოს თავდაცვის მინისტრმა ირაკლი ალასანიამ აფხაზეთში დაღუპულ გმირთა მემორიალს პატივი მიაგო. ალასანიას განცხადებით, შეიარაღებული ძალები დაღუპულ გმირთა მაგალითზე იზრდება:

„ამ გმირების მაგალითით უნდა აღვზარდოთ ყველამ საკუთარი შვილი, სამხედრო ძალები მათი მაგალითით იზრდება და საბრძოლო სულს ასე იმაღლებენ. მე დარწმუნებული ვარ, სწორედ ამ ადამიანების მაგალითი არ მოგვცემს უფლებას სხვანაირად მოვიქცეთ, ვიდრე ისინი და თუ დასჭირდა სამშობლოს, თითოეული ჩვენთაგანი ისევ გაწირავს თავს ამ ქვეყნისთვის და ჩვენი ქვეყნის ტერიტორიული სხეულის გამთლიანებისთვის. ახლა მნიშვნელოვანია ის, რომ ჩვენ ვიზრუნოთ იმ ოჯახებზე რაც ჩვენმა გმირებმა დაგვიტოვეს“, - განაცხადა ირაკლი ალასანიამ.