საქართველოს პარლამენტის თავმჯდომარემ გმირთა მოედანზე აფხაზეთის ომში დაღუპულ გმირთა მემორიალს პატივი მიაგო. როგორც უსუფაშვილმა ჟურნალისტებთან საუბრისას აღნიშნა, მოვა დღე, რომელიც კონფლიქტის სხვადასხვა მხარეს მდგომ ადამიანებს ერთმანეთთან დააკავშირებს:

„ჩვენ ყველა მოვესწრებით იმ ეპოქას, როდესაც ეს დღე სხვანაირად აღინიშნება. აღინიშნება ერთის მხრივ, როგორც ხსოვნის დღე იმ ადამიანების, ვინც თავი გასწირა, ასევე იმ დღედ, რომელიც ჩვენ კვლავ დაგვაკავშირებს ერთმანეთთან, იმ ადამიანებს, რომლებიც ჯერკიდევ კონფლიქტის სხვადასხვა მხარეს არიან. ეს დღე მოვა მშვიდობით, ეს დღე არ მოვა იარაღით, მაგრამ ეს დღე აუცილებლად დაბრუნდება“, - განაცხადა დავით უსუფაშვილმა.