საქართველოს პრემიერმინისტრი ირაკლი ღარიბაშვილი გაერო-ს გენერალური ასამბლეის 69-ე სესიაზე სიტყვით გამოვიდა, სადაც საქართველოს მიღწევებსა და გამოწვევებზე ისაუბრა:

„უკანასკნელი რამდენიმე წლის განმავლობაში მსოფლიო გახდა საქართველოს განუხრელი ტრანსფორმაციის მოწმე, რომლის მიზანიცაა თავისუფლების, დემოკრატიისა და ეკონომიკური განვითარების უზრუნველყოფა.

უფრო სრულყოფილი და ღია დემოკრატიისკენ მიმავალ გზაზე ჩვენ მივაღწიეთ დიდ წარმატებებს და წავაწყდით გამოწვევებს.

ჩვენ გაცილებით უფრო ძლიერი სახელმწიფო ვართ, ვიდრე ოცი წლის წინ და უფრო ძლიერი, ვიდრე ორი წლის წინ. მართალია, სულ რამდენიმ წელში ჩვენ მივაღწიეთ მნიშვნელოვან პროგრესს, მაგრამ ჩვენ ახალგაზრდა დემოკრატია ვართ და კიდევ ბევრი შრომა გველის წინ“, - განაცხადა პრემიერმა.