გმირთა მოედანზე სოხუმის დაცემის დღესთან დაკავშირებული აქცია გაიმართა (ფოტოკოლაჟი)

პოლიტიკა - 23:53, 26 Sep, 2014

2179

გმირთა მოედანზე, საქართველოს ტერიტორიული მთლიანობისთვის დაღუპული მებრძოლების მემორიალთან სოხუმის დაცემის დღესთან დაკავშირებული აქცია გაიმართა. ახალგაზრდებმა დაღუპული გმირების გვარები და სახელები ხმამაღლა წაიკითხეს. აქციის მონაწილეებს სპეციალური მაისურები ეცვათ წარწერით: ,,აფხაზთა კრება“, ასევე წარმოდგენილი ჰქონდათ აფხაზეთის ომის ამსახველი ფოტოები. აქციას ესწრებოდნენ ,,აფხაზთა კრების“ არასამთავრობო ორგანიზაციებისა და პოლიტიკური პარტიების წარმომადგენლები. როგორც ,,ნიუპოსტს“ მოძრაობა ,,დაბრუნების“ თავმჯდომარემ მალხაზ პატარაიამ განუცხადა, აღნიშნული აქციის გაგრძელება იქნება, 27 სექტემბერს ჭადრაკის სასახლეში დაგეგმილი ,,აფხაზთა კრება“, რომელიც განიხილავს აფხაზეთის ა/რ უმაღლეს საბჭოში ახალი არჩევნებისა და აფხაზეთის მთავრობის პასუხისმგებლობის საკითხს. ამასთან, კრებაზე მიღებული იქნება სპეციალური რეზოლუცია.

მალხაზ პატარაიას თქმით, ვეტერანთა დეპარტამენტმა უარი განუცხადა აქციის მონაწილეებს დაღუპული მეომრების სრული სიის გადმოცემაზე.

,,აფხაზთა კრების“ მონაწილე ახალგაზრდული ორგანიზაციების თაოსნობით ტარდება დღევანდელი აქცია ,,უკვდავების გადაძახილი“. ერთ-ერთ საორგანიზციო სხდომაზე გაგვიჩნდა ასეთი იდეა, რომ საფუძველი ჩავუყაროთ ახალ ტრადიციას ანუ ყოველ დღევანდელ დღეს წაკითხული იქნას აფხაზეთსა და სამაჩაბლოში დაღუპული გმირების გვარ-სახელები. სამწუხაროდ 4000 ადამიანის სია ჩვენ არ გვაქვს, ვეტერანთა დეპარტამენტთმა უარი გვითხრა სიების გადმოცემაზე, ათი დღე დავდიოდით ამისთვის და უარი გვითხრეს იმ მოტივით, რომ თურმე დაღუპული გმირების ვინაობა საჯარო არ ყოფილა და ჩვენმა ახალგაზრდება მოიძიეს მაინც ეს ინფორმაცია ინტერნეტის, წიგნების მეშვეობით. ჩვენ გვაქვს 2000 ადამიანის სია, ჩვენ წინასწარ ბოდიშს ვუხდით იმ ადამიანებს, ახლობელებს თანამებრძოლებს, ვისაც ვერ წავიკითხავთ, მაგარმ ეს იყო ჩვენგან დამოუკიდებელი მიზეზების გამო. ჩემი აზრით, ბატონმა შიხიაშვილმა ალბათ მიიღო ინფორმაცია ამ აქციის შესახებ და ვინაიდან ეს არის იყო სახელისუფლო ღონისიძება, გადაწვიტა ამ გზით ჩაშლა“, - განაცხადა მალხაზ პატარაიამ.