ტელეკომპანია „იმედის“ გადაცემა „რეაქციის“ სტუდიაში, სტუმარმა სანზონაში მომხდარ კანონდარღვევაზე ისაუბრა, ამ ყოველივეს კი შინაგან საქმეთა სამინისტროს საზოგადოებასთან ურთიერთობის სამსახურის ხელმძღვანელი ნინო გიორგობიანი სოციალური ქსელის მეშვეობით გამოეხმაურა:

„გადაცემა რეაქციაში ერთ-ერთმა სტუმარმა განაცხადა რომ სადარბაზოში გოგონა დააყაჩაღეს და ფული და მობილური წაართვეს, ეს არის მორიგი ტყუილი ! ეს გოგონა დაკითხვაზე იყო დღეს ჩვენთან და უარყო ეს ინფორმაცია! მეტიც დედამისი იყო სასტიკი წინააღმდეგი ამ ინფორმაციის გავრცელების! ეს არის მორიგი მცდელობა პირდაპირ ეთერში ცრუ ინფორმაციის გავრცელების!“, - წერს გიორგობიანი.