„რუსეთს პოსტ საბჭოთა ქვეყნებსა და მის უახლოეს მეზობლებზე გავლენის ზონის შექმნის გეგმა აქვს, რისი მაგალითიც კრემლის მხრიდან საქართველოსა და მოლდოვას დაშინებაა“, - ამის შესახებ ნატო-ს გენერალურმა მდივანმა USA Today-სთვის მიცემულ ინტერვიუში განაცხადა.

რასმუსენის თქმით, ის ტოვებს უფრო ეფექტურ საბრძოლო ორგანიზაციას, რომელსაც სულ უფრო აგრესიულ რუსეთთან მოუწევს ურთიერთობა.

„სრულიად ცხადია, რომ რუსეთი ახლა პარტნიორად კი არა, მოწინააღმდეგედ მიგვიჩნევს და აშკარაა, რომ მოგვიწევს ამასთან შეგუება“, - აღნიშნა რასმუსენმა.

მისივე თქმით, ნატო-ს გენერალური მდივნის თანამდებობაზე ყოფნის პერიოდში, რუსეთის საქციელი მისი ყველაზე დიდი იმედგაცრუებაა.