იურისტი ავთანდილ კახნიაშვილი პრეზიდენტს სააპელაციო სასამართლოში მისვლას სთხოვს.

იურსტი, გიორგი მარგველაშვილს და თსუ-ის იურიდიული ფაკულტეტის დეკანს კონკურსის გაყალბებაში ადანაშაულებს.

„როგორც ვივარაუდე, პირველი ინსტანციის სასამართლომ ვერ გაბედა „სამართლიანობის აღდგენა“. 26 სექტემბერს 12 საათზე კი საქმეს თბილისის სააპელაციო სასამართლო განიხილავს.

მიმაჩნია, რომ ეს საქმე საქართველოს პრეზიდენტისა და „რეფორმირებული სასამართლოსთვის“, ფაქტობრივად ტესტია დამოუკიდებლობაზე, თუ პრეზიდენტი და მის მიერ დანიშნული პირი სხდომას დაესწრებიან და ხელს შეუწყობენ „სამართლიანობის აღდგენას“, ხოლო სასამართლომ გაბედა და ობიექტური გადაწყვეტილება გამოიტანა, კიდევ მექნება იმედი, რომ ქვეყანა სამართლებრივი წყვდიადიდან გამოვა“, - აცხადებს ავთანდილ კახნიაშვილი.

ავთანდილ კახნიაშვილი პრეზიდენტს და თსუ-ის იურიდიული ფაკულტეტის დეკანს კონკურსის გაყალბებაში ადანაშაულებს და იუსტიციის უმაღლესი საბჭოს წევრად ვახტანგ მჭედლიშვილის დანიშვნის თაობაზე პრეზიდენტის 2014 წლის 16 იანვრის განკარგულების ბათილად ცნობას მოითხოვს.

წყარო: გაზეთი "რეზონანსი"