გაერო-ს გენერალური ასამბლეის 69-ე სესიაზე დღეს სიტყვით საქართველოს პრემიერმინისტრი გამოვა. ირაკლი ღარიბაშვილი მოხსენების დროს ქვეყნის შიდაპოლიტიკურ ვითარებასა და განხორციელებულ რეფორმებზე გაამახვილებს ყურადღებას.

პრემიერმინისტრი ასევე ისაუბრებს ქვეყნის საგარეო პოლიტიკურ კურსსა და სხვა მნიშვნელოვან საკითხებზე.

„რამდენიმე საათში პრემიერმინისტრი სიტყვით გამოვა გაერო-ს გენერალურ ასამბლეაზე. მისი სიტყვა იქნება კონცენტრირებული საქართველოს შიდა პროცესებზე. იმის თაობაზე, თუ რა გაკეთდა ქვეყანაში, როგორი რეფორმები გატარდა ყველა მიმართულებით, იქნება ორიენტირებული როგორც საგარეო, ისე საშინაო პოლიტიკაზე“, - განაცხადა მაია ფანჯიკიძემ.