საქართველო არბიტრაჟის მუდმივმოქმედ სასამართლოს უერთდება, რომელიც ქალაქ ჰააგაში მდებარეობს და 1907 წელს მიღებულ კონვენციაზეა დაფუძნებული.

ამის შესახებ საგარეო საქმეთა მინისტრმა მაია ფანჯიკიძემ განაცხადა.

მისი თქმით, ამ კონვენციის წევრია 116 ქვეყანა, საქართველო კი 117–ე იქნება.

„ამით საქართველო უერთდება კიდევ ერთ საერთაშორისო კონვენციას და კიდევ ერთხელ გამოხატავს თავის ერთგულებასა და ვალდებულებას, იმოქმედოს კანონისა და მართლმსაჯულების, საერთაშირისო სამართლის ფარგლებში“, - განმარტა ფანჯიკიძემ.