საქართველო იარაღით ვაჭრობის საერთაშორისო კონვენციას უერთდება, რომელსაც ხელი ნიუ-იორკში ხვალ მოეწერება.

საქართველოს საგარეო საქმეთა მინისტრის პირველი მოადგილის დავით ზალკალიანის განმარტებით, აღნიშნული ხელშეკრულება ჩვეულებრივი შეიარაღების და ამუნიციის (სამხედრო აღჭურვილობა) გაყიდვის პრევენციას მოახდენს. მისივე თქმით, რაც უფრო მეტი საერთაშორისო თანამეგობრობის წევრი ქვეყანა იქნება ამ ხელშეკრულების წევრი, მით მეტი იქნება გარანტია, რომ არ მოხდეს იარაღით უკანონო ვაჭრობა.

„ეს არის მნიშვნელოვანი საერთაშორისო ხელშეკრულება რომელიც ახდენს პრევენციას ჩვეულებრივი შეიარაღების და ამუნიციის გაყიდვის, საზღვრის კვეთის და სხვა არალეგალური მოძრაობის საკითხებს. მნიშვნელოვანია, რომ რაც მეტი საერთაოშორისო თანამეგობრობის წევრი ქვეყანა იქნება ხელშეკრულების წევრი, მით მეტი იქნება გარანტია რომ არ მოხდება იარაღით უკანონო ვაჭრობა. ამ საერთაშორისო ვალდებულებით საქართველო უერთდება საერთაშორისო თანამეგობრობის დიდ ნაწილს და მათ, ვინც მისი რატიფიკაცია უკვე მოახდინა“, - აღნიშნა ზალკალიანმა.