,,ეს ადგილი არის ქალაქის ცენტრი და რესტორნის მშენებლობისთვის აბსოლუტურად შეუფერებელი. არ მოხდა მოქალაქეების სურვილის გათვალიწინება და საკრებულო რეალურად ზუგდიდელების ნების წინააღმეგ მიდის ასეთი გადაწყვეტილებით. საკრებულოს წევრებს პრაქტიკულად მათი ნების საწინააღმდეგოდ მოუწიათ ხმის მიცემა, რაც რა თქმაუნდა არ დაუფიქსირებიათ, მაგრამ დღემდე არ უჭერდნენ მხარს. მხარს არ უჭერდა არც საზოგადოების უდიდესი ნაწილი“, - განაცხადა ,,ნაციონალური მოძრაობის“ წევრმა ბათლომე შელიამ. მისივე თქმით, მერიამ ფეისბუქით შესთავაზა საზოგადოებას ჩართულობა და გადაწყვეტილების ერთად მიღება. ,,ჩვენ ამ გვერდზე გაკეთებული კომენტარები ამოვბეჭდეთ და წარუდგინეთ საკრებულოს, თუმცა მათ ეს მაინც არ გაითვალისწინეს“, - დასძინა შელიამ.

საკითხის ლობირებასა და ბიზნესმენ თემურ ჭყონიასთან გარიგებაში გუბერნატორს დასდო ბრალი დეპუტატმა ანი წითლიძემ. ოპოზიციონერი დეპუტატი განმარტავს, რომ მართალია ამ ეტაპზე მიწა გადაეცა ეკონომიკის სამინისტროს, მაგრამ განკარგულოებაში მითითებულია, რომ სწორედ მაკდონალდისთვის გადასაცემად კეთდება ეს. ,,მიწის საბაზრო ღირებულება მილიონ ლარზე მეტია. უმრავლესობის წევრების არგუმენტი იყო ჭყონიას კატეგორიული მოთხოვნა კონკრეტულ მიწასთან მიმართებაში. ,,ინვესტორმა მოითხოვა მიწის ეს ნაკვეთი და სხვა გზა არ გვაქვს. სხვა შემთხვევაში არ შემოვა"... ეს იყო ულტიმატუმი ჭყონიას მხრიდან, რომელსაც უმრავლესობამ ერთხმად დაუჭირა მხარი. ჭყონია და გუბერნატორი შონია გარიგებაში არიან და სწორედ გუბერნატორის კატეგირიული მოთხოვნით მიიღო საკრებულომ გადაწყვეტილება“, - აცხადებს საკრებულოს ფრაქცია ,,ნაციონალური მოძრაობის“ წევრი ანი წითლიძე.

დამსწრე საზოგადოებიდან აზრი დააფიქსირა ,,გამჭვირვალობა საქართველოს" ადგილობრივი ოფისის ხელმძღვანელმა, რომელიც ასევე ეწინააღმდეგებოდა ამ ტერიტორიაზე რესტორნის

მიუხედავად დეპუტატების აზრთა სხვადასხვაობისა საკრებულომ გადაწყვეტილება 11 ხმით სამის წინააღმდეგ მიიღო. ხმა წინააღმდეგ ფრაქცია „ ნაციონალური მოძრაობის“ ორმა და „ბურჯანაძე-ერთიანი ოპოზიციიდან“ ერთმა დეპუტატმა მისცა.