„Foreign Policy-ის შემდეგ „ნიუ-იორკ თაიმსი“ მეორე ამერიკული გამოცემაა, რომელიც შეერთებული შტატების ოფიციალურ პირებზე დაყრდნობით წერს, რომ ქართულმა მხარემ ვაშინგტონს სირიელი მებრძოლებისთვის საწვრთნელი ცენტრის მასპინძლობა შესთავაზა.

გამოცემის თანახმად ჯერ გაურკვეველია დათანხმდება თუ არა შეერთებული შტატების ადმინისტრაცია ქართული მხარის ამ შეთავზებას. სტატიაში ასევე აღნიშნულია, რომ სახელმწიფო დეპარტამენტს 54 ქვეყნის სია აქვს, რომლებიც ალ ქაიდას მოკავშირე დაჯგუფების ისლამური სახელმწიფოს წინააღმდეგ ბრძოლაში ვაშინგტონს წვლილის შეტანას დაჰპირდნენ. ამ პროცესს კოორდინციას გაუწევს სპეციალური ჯგუფი, რომელიც სახელმწიფოს დეპარტამენტში შეიქმნება - წერს „ნიუ იორკ თაიმსი“.