საპარლამენტო უმცირესობის წევრი ირმა ნადირაშვილი თენგო ერისთავის ოჯახისწევრებს პასუხობს. ამის შესახებ ნადირაშვილმა „რუსთავი 2“-ის გადაცემა „არჩევანში“ ისაუბრა:

„არავინ არ ცდილობს ამ საქმის პოლიტიზირებას, ეს მიზანი რომ არსებობდეს, ამ საქმის განხილვასაც მივყვებოდით, ეს ოჯახი არ არის მთლიანი საქართველო. ძალიან გამიხარდებოდა, რომ ქალბატონი თამარ ჭოხონელიძე და ერისთავის ოჯახის წევრები თათუხაშვილის ოჯახშიც მივიდოდნენ და მათი მდგომარეობითაც დაინტერესდებოდნენ. თენგიზ გუნავას რომ ჩაუდეს ნარკოტიკები, მაშინ რომ დაინტერესებულიყვნენ ამ საქმით და გამოეთქვათ პოზიცია, შესაძლოა დღეს მათ შვილებს არ დამართოდათ იგივე“, - განაცხადა ირმა ნადირაშვილმა.