საქართველო ამერიკის შეერთებულ შტატებს, სირიელი მებრძოლებისთვის, საწვრთნელი ბანაკის მასპინძლობას სთავაზობს. ამის შესახებ ინფორმაციას გამოცემა „ფორინ პოლისი“ ამერიკის ადმინისტრაციის ოფიციალურ პირზე დაყრდნობით ავრცელებს.

გამოცემის თანახმად, საწვრთნელი ბაზის მასპინძლობა ქართულმა მხარემ შეერთებული შტატების თავდაცვის მდივანს ჩაკ ჰეიგელს საქართველოში ვიზიტის დროს დახურულ კარსმიღმა გამართულ შეხვედრაზე შესთავაზა.

ეს ინფორმაცია „ფორინ პოლისთან“ საუბარში აშშ-ში საქართველოს ელჩმა არჩილ გეგეშიძემ ნაწილობრივ დაადასტურა. დიპლომატის განცხადებით, ცენტრის საკითხი ჯერ განხილვის ეტაპზეა და საწვრთნელი პროგრამების მასშტაბებიც ჯერ გარკვეული არ არის.

„ეს არის კონტრ ტერორისტული საწვრთნელი ცენტრი ნებისმიერი ეროვნების მებრძოლებისთვის“, - აცხადებს გეგეშიძე.