საკრებულოს სოციალური მომსახურების სამსახური რეორგნიზაციას იწყებს. საკითხის განხილვას საკრებულოს სხდომის დღის წესირგი ითვალსიწინებს.

რეორგანიზაციის ფარგლებში სამი დამოუკიდებელი: კულტურის, ჯანდაცვისა და სოციალური მომსახურების სტრუქტურის ჩამოყალიბება იგეგმება. ცვლილებას საკრებულოს უმცირესობა მხარს არ უჭერს. ოპოზიციის აზრით, მმართველი გუნდი ახალ შტატებს ნათესავებისთვის, კონკრეტულად კი კახი კალაძის ცოლისძმისთვის ქმნის.

„მაშინ როდესაც, თბილისის ბიუჯეტი თითქმის 13 მილიონი ლარით სეკვესტრირებულია, მაშინ როდესაც დავით ნარმანია თავად აღიარებს საბიუჯეტო პრობლემებს და საბიუჯეტო კრიზისს, მაშინ როდესაც თბილისის მერიიდან დანაშაულებრივი იძულების გზით ყრიან იქ წლების განმავლობაში მომუშავე პროფესიონალ ადამიანებს, კახი კალაძის ცოლისძმისთვის თანამდებობის შესაქმნელად. ხდება სამსახურების გაყოფა და ახალი საშტატო ერთეულების დამატება და ადმინისტრციული ხარჯის გაზრდა“,- განაცხადა თბილისის საკრებულოს უმცირესობის წევრმა ირაკლი აბესაძემ.