საპარლამენტო უმრავლესობის წევრი სოსო ჯაჭვლიანი აცხადებს, რომ იგი ვადამდელი საპარლამენტო არჩევნების მომხრეა. დეპუტატმა კომენტარი ამის შესახებ გაზეთ „ალიასთან“ საუბრისას გააკეთა:

„ძალიან კარგია, როცა რაიმეს თქმა გინდა და ამის გამოხატვის საშუალება გაქვს. „ნაციონალები“ რომ 40%-ით არიან დაფიქსირებული პარლამენტში, ეს რომ არ შეიძლება, ამაზე ერთერთი პირველი მე ვაცხადებდი. მე მინდა, რომ ვადამდელი საპარლამენტო არჩევნები დაინიშნოს, მაგრამ ამას თავისი პროცესები აქვს და როგორ მოხერხდება ეს, ამდენი არ ვიცი. თუ დაინიშნება ვადამდელი საპარლამენტო არჩევნები, ძალიან კარგი იქნება.

საერთოდ, ხალხის აზრი უნდა გაითვალისწინო, იმიტომ, რომ ხალხის რჩეული ხარ, ხალხმა აგირჩია. ამიტომ შევხედავ, როგორ განვითარდება მოვლენები და ისე ვიმოქმედებ, როგორც ხალხს სურს. მე პარლამენტს გამოკიდებული კი არ ვარ?!“, - აცხადებს ჯაჭვლიანი.