საპარლამენტო უმრავლესობის წევრი ელისო ჩაფიძე „ქართული ოცნების“ აღმასრულებელ მდივნად ზვიად ჯანყარაშვილის შესაძლო დანიშვნას დადებითად აფასებს.

„ბატონ ზვიად ჯანყარაშილს მე ვიცნობ როგორც კარგ ადამიანს და პროფესიონალს, ხოლო გამოიყენებს თუ არა პარტია მის რესურს ეს პარტიის გადასაწყვეტია“, - განაცხადა ელისო ჩაფიძემ.

ზვიად ჯანყარაშვილი რამდენიმე დღეში „ქართული ოცნების“ აღმასრულებელი მდივანი გახდება.

აღნიშნულ ფაქტს პარტიის იურიდიული სამსახურის ხელმძღვანელი თედო კობახიძე ადასტურებს.

პრემიერის ნათესავმა შს მინისტრის ყოფილი მოადგილის პოსტი ცოტა ხნის წინ დატოვა. სავარაუდოდ, ჯანყარაშვილმა თანამდებობა კახი კალაძესთან დაპირისპირების გამო დატოვა.