გაერო-ს 29-ე სპეციალურ ასამბლეაზე საქართველოს პრემიერმინისტრის სიტყვით გამოსვლას ქყვეყნის საგარეო საქმეთა მინისტრი მაია ფანჯიკიძე აფასებს. საქართველოს მთავარი დიპლომატი იმ თემებს განმარტავს, რომლებსაც ირაკლი ღარიბაშვილმა გაუსვა ხაზი.

„ყურადღება გაამახვილა საქართველოში მიმდინარე რეფორმებზე, განსაკუთრებით ადამიანის უფლებების დაცვის კუთხით და აგრეთვე იმ სოციალური და ჯანდაცვის მიმართულებით, რომელიც უკვე განხორციელებულია ჩვენს ქვეყანაში. ლტოლვილების თემა ერთერთი ყველაზე მნიშვნელოვანია გაერო-ს ფორმატში, რადგან ჩვენ ყოველწლიურად გაგვაქვს რეზოლუცია გაერო-ს ასამბლეაზე მათი და იძულებით გადაადგილებულ პირთა დაბრუნების შესახებ, ამიტომ მხარდაჭერის მოპოვება ამ კუთხით არის განსაკუთრებით მნიშვნელოვანი“, - განაცხადა მაია ფანჯიკიძემ.