ნატო-ს სამეკავშირეო ოფისის მდივანი უილიამ ლაჰიუ საქართველოს ალიანში გაწევრიანებასთან დაკავშირებით „კვირის პალიტრასთან“ საუბრობს.

მისი განცხადებით არსებული კონფლიქტები საქართველოსა და ქვეყნის ტერიტორიის ირგვლივ დაბრკოლებას ქმნის. ლაჰიუ, ასევე, არ გამორიცხავს საქართველოს ნატო-ში გაწევრიანებას.

„შეხედეთ რეალობას: სად არის საქართველო, როგორია მისი გეოპოლიტიკური ვითარება? თქვენ ყველაზე შორს ხართ იმ ქვეყნებს შორის, რომელთაც სურთ, ნატო-ს წევრები გახდნენ.

თუმცა, თქვენს საზღვართან უკვე არის წევრი ქვეყანა, თურქეთი და ეს კარგია, რადგან ამით თქვენ ალიანსის გეოგრაფიულ მთლიანობას არ არღვევთ.

გაფართოების პროცესს წინ უნდა უძღოდეს ინფორმირებულობა და საქართველო აკეთებს ამას. მაგალითად ISAF-ის მისიაში მონაწილეობით თქვენ წარმოდგენას უქმნით ნატო-ს წევრ ქვეყნებს, თუ რა წვლილი შეიძლება შეიტანოს საქართველომ საერთაშორისო უსაფრთხოებაში. ერგებით თუ არა არსებულ სტანდარტებს.

რა თქმა უნდა ბევრად ადვილი იქნებოდა ევროპის ცენტრში რომ ყოფილიყავით, გარშემორტყმული ქვეყნებით, რომლებიც უკვე არიან ალიანსის წევრები“, - განმარტავს ლაჰიუ.