თეა წულუკიანის უწყებამ პოლიტპატიმართა ხარჯზე ფულის შოვნა გადაწყვიტა

პოლიტიკა - 15:58, 22 Sep, 2014

1514

პოლიტპატიმარი, პარტია „ქართული იდეის“ თავმჯდომარე ლევან ჩაჩუა აცხადებს, რომ თეა წულუკიანის უწყებამ პოლიტპატიმართა ხაჯზე ფულის შოვნა და გათეთრება გადაწყვიტა. ჩაჩუას თქმთ, როგორც ჩანს მათ 15 მილიონი ლარის პრემიები ვერ იმყოფინეს.

- რაში გამოიხატება ფულის გათეთრება? ასეთი რა ჩაიდინა თეა წულუკიანის უწყებამ?

პოლიტპატიმრების ნაწილს უკვე მიუვიდათ წერილები, რომელშიც იუსტიციის სამინისტრო რეაბილიტაცია- რესოციალიზაციის მიზნით მათ მშენებლობაზე დასაქმებას, სკანირების შესწავლის მიზნით კურსების გავლას, სხვა თვალსაზრისით პროფესიულ გადამზადებას გვთავაზობს. ოღონდ მას შემდეგ, რაც იუსტიციის სოციალური მუშაკი პოლიტპატიმრის ბიოფსიქოსოციალურ შეფასებას მოახდენს. ყველაზე ცინიკური კი ამ წერილში ის არის, რომ თვალთმაქცობენ, თითქოს პოლიტპატიმრის ოჯახის სოციალური გარემოს გაუმჯობესებას აპირებენ და ამ მიზნით თეატრში სპექტაკლებზე დასწრებას და ზოოპარკში წაყვანას გვთავაზობენ. ეს ხუმრობა არ გეგონოთ, დოკუმენტურად არის გაფორმებული!აღნიშნული წერილები პოლიტპატიმრებმა დაცინვად აღვიქივით! როგორც ჩანს პოლიტპატიმართა რეაბილიტაციის მიზნით რაღაც თანხები მართლაც გამოიყოფა, თუმცა, იუსტიციის სამინისტრო ასე არარაციონალურად განკარგავს.

ლევან ჩაჩუა გაზეთ „ასავალ-დასავალთან“ საუბრისას ამბობს, რომ თეა წულუკიანი პრემიერის გუნდის წევრად დიდი ხანია აღარ მოიაზრება.

"ჩვენ ვფიქრობთ, რომ პოლიტპატიმრების ასეთი დაცინვა და გამოწვევა, შესაძლოა, საბოტაჟის ნიშნებსაც შეიცავდეს იმ ფონზე, როცა ხელისუფლების შიგნით მყოფი ძალების ურთიერთდაპირსიპირება უკვე ღიად მიმდინარეობს“,- განაცხადა ლევან ჩაჩუამ.