ვინ არის ,,ჰაკიმ ფაშა“ და ვინ დადგა ეს სპექტაკლი?

სოც.მედია - 15:50, 22 Sep, 2014

4757

"ზურაბ ჟვანიას და რაულ უსუპოვს არანაირი სიცოცხლისდროინდელი დაზიანებები არ ჰქონიათ. ის დაზიანებები, რომელიც სოციალურ ქსელში გავრცელებულ ვიდეოში ჩანს, არის ფოტოშოპი," განაცხადა ადვოკატმა გელა ქენქაძემ. ------- ახლა გასარკვევია:

1. ვინ გამოიტანა ჟვანიას საქმის მასალები მთავარი პროკურორის ოთახში განთავსებული სეიფიდან?

2. ვინ დაამუშავა უკანონოდ მოპოვებული მასალა ფოტოშოფში?

3. ვინ არის "ჰაკიმ ფაშა", ვინც მასალა ინტერნეტში ატვირთა? საიდან აიტვირთა მასალა? ჩოკუტაევმა გალის რაიონიდანო, არ გვითხრათ, ისევ ბერას სტუდიაზე გვექნება ეჭვი;

4. რატომ არ გაუჩნდათ ეს კითხვები მთავრობის წევრებს, რომლებმაც მასალის ატვირთვის შემდეგ ერთხმად დაიწყეს დანაშაულებრივი იდიოტიზმის მტკიცება?

5. რისთვის ზის ციხეში უდანაშაულო ადამიანი ლევან ჩაჩუა, რომელიც ამ პოლიტიკური მიზნით დადგმული სპექტაკლის "შესაკრავად" აიყვანეს მძევლად?

6. რატომ არ აწუხებთ ეს ყველაფერი რესპუბლიკელებს? (გაატარეთ, რიტორიკული კითხვააა)

7. ვინ დადგა ეს სპექტაკლი და ვინ აგებს ამ უკანონობებზე პასუხს?

ვინაიდან რაფალიანცისგან განსხვავებით, აქ კვალის წაშლას ნაციონალებს ვერ დავაბრალებთ, ვვარაუდობ, რომ ჩვენი სამაგალითო შსს ამ დანაშაულს მარტივად გამოიძიებს. შესაბამისად, მოვითხოვ ამ კითხვებზე პასუხს და დამნაშავეების დასჯას.

პ.ს. ბოდიში, ბატონო ბიძინა“, - წერს ზაზა ბიბილაშვილი.