რა ბედი ეწევა სააკაშვილისა და მისი ოჯახის წევრების დაყადაღებულ ქონებას

პოლიტიკა - 13:55, 22 Sep, 2014

1574

ექსპერტი კახი კახიშვილი ექსპრეზიდენტ მიხეილ სააკაშვილის და მისი ოჯხის წევრების ქონების ქონების დაყადაღების ფაქტს ეხმაურება.

„სააკაშვილს ბრალად აქვს წაყენებული სახელმწიფო ბიუჯეტიდან 8 მილიონი ლარის გაფლანგვა. კანონისათვის მნიშვნელობა არა აქვს, ბრალდებულმა ეს მოპარული ფული რესტორნებში დახარჯა თუ სახლში წაიღო და სეიფში ჩაკეტა. აქ მთავარია, რომ სახელმწიფოს მიადგა ზიანი და გამოძიებამ გადაწყვეტილება მიიღო, რომ ქონება, რომლითაც, ბრალდებულისათვის დანაშაულის დამტკიცების შემთხვევაში, ზიანის ანაზღაურება უნდა მოხდეს, წინასწარ დაყადაღდეს, რათა მისი გასხვისება არ მოხდეს! დაყადაღება ავტომატურად არ ნიშნავს იმას, რომ ეს ქონება აუცილებლად გაიყიდება! თუ სასამართლო ჩათვლის, რომ ბრალდებული, ამ შემთხვევაში სააკაშვილი, ნამდვილად არის დამნაშავე და მან მატერიალური ზიანი მიაყენა სახელმწიფოს, მხოლოდ ამის შემდეგ იმსჯელებენ დაყადაღებული ქონების წარმომავლობაზე და მის გაყიდვაზე! ივანიშვილმა საკუთარი ქონება ხელისუფლებაში მოსვლამდე, წარმატებული ბიზნესის შედეგად დააგროვა!
ასე, რომ ბიზნესმენ ივანიშვილისა და ყოფილი სახელმწიფო მოხელის სააკაშვილის ქონების ერთმანეთთან შედარება აბსოლუტურად ალოგიკურია! თავად სააკაშვილსაც კარგად ესმის, რომ ეს აბსურდია, მაგრამ დემაგოგობს და საზოგადოებრივი აზრის ფორმირებას ცდილობს! თუ დედამისის წილი უნივერსიტეტში სააკაშვილის პრეზიდენტობას არ უკავშირდებოდა, მაშინ სააკაშვილის საპრეზიდენტო ვადის ამოწურვის შემდეგ რატომ გაჩერდა გიული ალასანიას უნივერსიტეტის მშენებლობა აეროპორტის გზაზე, მაშინ, როცა ეს მშენებლობა სააკაშვილის პრეზიდენტობის დროს ძალიან სწრაფი ტემპით მიმდინარეობდა? ეს ხომ არ ბადებს ეჭვს, რომ სააკაშვილის პრეზიდენტობის დროს დედამისის კერძო უნივერსიტეტის მშენებლობა სახელმწიფო ფულით ხდებოდა?!“, - განაცხადა კახიშვილმა.
წყარო: გაზეთი "ასავალ-დასავალი"