„ნაც.მოძრაობა" კვლავაც შეძრავს დასავლურ სტრუქტურებს წუწუნით, რომ პოლიტიკურად იდევნებიან"

პოლიტიკა - 12:41, 22 Sep, 2014

1560

„ნაციონალური მოძრაობის“ წევრები კვლავაც შეძრავენ დასავლურ სტრუქტურებს იმაზე წუწუნით, რომ პოლიტიკურად იდევნებიან“, - ამის შესახებ კომენტარი ექსპერტმა სოსო ცისკარიშვილმა გააკეთა.

„კვირის პალიტრასთან“ საუბრისას ექსპერტმა აღნიშნა, რომ საქართველოს პრემიერმინისტრის აშშ-ში ვიზიტის ფარგლებში საპარლამენტო უმცირესობის წევრები სააკაშვილის ქონების დაყადაღების ფაქტს მის წინააღმდეგ „აუცილებლად გამოიყენებენ“:

„ნაციონალური მოძრაობის“ ლიდერები ამას აუცილებლად გამოიყენებენ და კვლავაც შეძრავენ დასავლურ სტრუქტურებს იმაზე წუწუნით, რომ პოლიტიკურად იდევნებიან. ამის გამო პრემიერმინისტრს გარკვეული დისკომფორტი ამერიკაში ვიზიტისას შეექმნება, თუმცა, აშშ-სთან ურთიერთობა ნამდვილად არ გაგვიფუჭდება“, - აღნიშნავს ცისკარიშვილი.

ექსპერტი სააკაშვილის ქონების დაყადაღების შედეგად ხელისუფლების „ხეირზეც“ საუბრობს:

„რაც შეეხება მომხდარიდან გამომდინარე ხელისუფლების ხეირს - ბოლო დღეების განმავლობაში მათთვის საკმაოდ არასასიამოვნო თემები იყო აქტუალური, ამ დაყადაღებამ, შეიძლება ითქვას, ეს საკითხები მთლიანად გადაფარა“, - განმარტა ცისკარიშვილმა.