საქართველოს პრეზიდენტმა გიორგი მარგველაშვილმა „რეაქციის“ ეთერში მისი და ყოფილი სახელმწიფო მინისტრის თემურ იაკობაშვილის ურთიერთობაზე ისაუბრა,

თემურ იაკობაშვილი არის ჩემი მეგობარი, ერთ ეზოში ვცხოვრობთ, მე თემურს ვიცნობ მანამ , სანამ შეიქმნებოდა „ნაციონალური მოძრაობა“- განაცხადა პრეზიდენტმა

„ თემურ იაკობაშვილი იყო „ნაციონალური მოძრაობის“ მინისტრი , მე ვიყავი ოპოზიციონერი, იაკობაშვილს არ შეშინებია ჩემთან ურთიერთობა, ჩვენ ძალიან მძაფრად ვეკამათებოდით ერთმანეთს, თემურ იაკობაშვილის სახლიდან გავსულვარ, მივსულვარ ეთერში გამიკრიტიკებია „ნაციოონალური მოძრაობა“, უკან დავბრუნებულვარ იმ ოჯახში და მერე გვიჩხუბია, იმაზე რაზეც ეთერში ვილაპარაკე, მაგრამ ამ კაცს არ შეშინებია რომ ოპოზიციონერი სახლში მიიღოს. აი ეს არის ჩემთვის ის მნიშვნელოვანი ქართული კულტურა, თუ თემურ იაკობაშვილს არ ეშინოდა „ნაციონალების“ დროს და ჩემზე უარს არ ამბობდა, გვქონდა დაპირისპირება მაგრამ გვქონდა პიროვნული ურთიერთობა, არ შეიძლება მივიღოთ ისეთი საქართველო, სადაც მე თემურს და მის ოჯახს არ მოვიკითხავ და არ მექნება ისევ მეგობრული ურთიერთობა. მე არ მგონია რომ ჩვენ ისეთი საქართველო გვინდოდეს, სადაც ჩვენ პოლიტსაბჭო აგვირჩევს მეგობრებს.“ - აცხადებს მარგველაშვილი.