ეს არის ჩემი და ეს, ივანიშვილის ბანდიტიზმით აშენებული სახლი

ეს არის ჩემი და ეს, ივანიშვილის ბანდიტიზმით აშენებული სახლი - სააკაშვილი

პოლიტიკა - 21:46, 19 Sep, 2014

12213

ექსპრეზიდენტმა მისი ქონების დაყადაღების შესახბ ,,რუსთავი 2"-ის ეთერში ნიუ-იორკიდან ისაუბრა.

,,ეს ქონება, რომელიც დღეს ივანიშვილმა წაიღო, ეს ქონება არის კლასიკური ნიმუში იმისა, თუ რას ნიშნავს არაკორუმპირებული პრეზიდენტი, სახელმწიფო მოხელე, რომელიც არ იპარავს, პოლიტიკოსი რომელიც ფულს ახმარს ხალხს და არ ახმარს საკუთარ ოჯახს. მაჩვენეთ ერთი პრეზიდენტი, რომელსაც ასეთი პატარა სახლი აქვს, როგორიც არის ყვარელში ჩემი სახლი.

სააკაშვილმა ეთერში ივანიშვილის მთაწმინდის ბიზნესცენტრისა და მისი კუთვნილი ყვარლის სახლის შედარების დემონსტრირება მოახდინა, სადაც აღნიშნა: ,,ეს არის ჩემი სახლი და ეს არის ბიძინა ივანიშვილის სახლი. ჩემთვის ყოველთვის პრინციპული საკითხი იყო, რომ ჩემს ნათესავებს ახლობლებს არაფერი სხვა შემოსავალი არ გაჩენოდათ. ამას მკაცრად ვაკრიტიკებდი. ივანიშვილის სახლი არის ბანდიტიზმით, 90 წლებში ნაძარცვით აშენებული და მან წამართვა ჩემი ყვარლის სახლი, ერთადერთი ქონება, რომელიც მე შევქმენი ამ ცხრა წლის განმავლობაში, მაგრამ მე ყველაზე მეტად იმაზე მტკივა გული, რომ ჩემი ქონება კი არა საქართველო დააყადაღეს."