"მებრძოლისთვის ქონების ჩამორთმევა კადიროვის მიერ დამკვიდრებული პრაქტიკაა"

"მებრძოლისთვის ქონების ჩამორთმევა კადიროვის მიერ დამკვიდრებული პრაქტიკაა" - სააკაშვილი

პოლიტიკა - 21:07, 19 Sep, 2014

2240

„დღეს საქართველოში კამათობენ უნდა წასულიყო თუ არა პრეზიდენტი გაერო-ს სამიტზე, თითქოს ხალხს სხვა პრობლემა არ ჰქონდეს“, - ამის შესახებ საქართველოს ექს-პრეზიდენტმა მიხეილ სააკაშვილმა „რუსთავი 2“-ის ეთერში ნიუ-იორკიდან ჩართვისას განაცხადა.

მისი თქმით, ქვეყანაში მოშლილია სახელმწიფოებრიობის ღერძი და საქართველოს „მართავს მახინჯი სულის ოლიგარქი“.

„დღეს პრობლემა ის კი არ არის, რომ საქართველოში ქონება დამიყადაღეს. მე დღეს საქართველოში ისედაც ვერ ჩამოვდივარ. ორ ქვეყანში ვერ ჩავდივარ მსოფლიოში - საქართველოში და რუსეთში. დღეს საქართველოში კამათობენ უნდა წასულიყო თუ არა პრეზიდენტი გაერო-ს სამიტზე, თითქოს ხალხს სხვა პრობლემა არ ჰქონდეს. კამათობენ იმაზე ლუდზე უნდა ,,დაშტრაფონ" ხალხი თუ - არა. ქვეყანაში მთავარი რაღაც მოიშალა - საქართველოს მართავს უწიგნური, მობანდიტო, დაბოღმილი, ბუნებით დაჩაგრული, მახინჯი სულის პატრონი ოლიგარქი, რომელიც შემომჯდარა მთაზე და თვითონ იღებს გადაწყვეტილებას ვის რა ქონება წაართვას და ვის დაუბრუნოს. თვითონ იღებს გადაწყვეტილებას, ვინ დაიჭიროს და ვინ - გაუშვას, ვინ გაირიცხოს და ვინ - მიიღოს, ვთვითონ იღებს გადაწყვეტილებას, პოლსიჯოხი ამ თანამდებობაზე დანიშნოს თუ იმ თანამშდებობაზე. საქართველოში მთავარი ღერძი სახელმწიფოებრიობის მოშლილია. მებრძოლისთვის ქონების ჩამოშლა კადიროვის მიერ დამკვიდრებული პრაქტიკაა ჩეჩნეთში. ჩვენ ვცხოვრობთ 21 საუკუნის საქართველოში, სადაც ჩვენ შევქმენით სახელმწიფოებრიობა, შევქმენით ინსტიტუტები, რომელიც მუშაობდა, შევქმენით კანონები, რომლებიც ასეთ რამეს საერთოდ გამორიცხავდა, კანონის ჩარჩოებში საერთოდ არ ჯდება ის, რაზეც ლაპარაკობენ - 19 მილიარდის გაფლანგვაზე იყო საუბარი, საბოლოო ჯამში კი ჩამოიყვანეს 8 მილიონამდე. ეს იყო იუშენკოს საპონი, უცხოური დელეგაციის ხარჯები და უცხოეთში გადაადგილების ხარჯები“, - განაცხადა სააკაშვილმა.