სახალხო კრების წევრი ლაშა ამირეჯიბი აცხადებს, რომ ყველა სამინისტროში ხუთიდან სამი თანამშრომელი „ნაციონალია“.

ამის შესახებ ამირეჯიბი გაზეთ „ალიას“ ესაუბრა.

„ახლა ვსვამ კითხვას, საიდან აქვთ გივია თარგამაძეს, ირმა ნადირაშვილს, გიგა ბოკერიასა და სხვებს საიდუმლო ინფორმაციები? საიდან და მათ სახელმწიფო უწყებებში ჰყავთ აგენტები, თანამშრომლები, ხელქვეითები, რომლებიც სისტემატურად აწვდიან ინფორმაციას. შე მამაცხონებულო, გაყარე ეს დედამოტ...ები, გაუშვი სამსახურებიდან, თუ არ გინდა, რომ გივია თარგამაძეს ჰქონდეს შენზე ყველა სახის ინფორმაცია, მე თუ ვიცი, რომ შიგნით ინფორმატორები ჰყავს, შენ არ უნდა იცოდე?“, - აცხადებს ამირეჯიბი.

მისი განცხადებით, დღეს „ნაციონალებს“ იერიში აქვთ მიტანილი შინაგან საქმეთა სამინისტროზე, ცუდად „აიგდეს ჭიკაიძე“ და ცდილობენ როგორმე გააშარჟონ.

„დათესეს საზოგადოებაში აზრი, რომ ამ კაცმა ლაპარაკიც არ იცის და საქმე როგორ უნდა გააკეთოს? დედის მაგისამ, ვანო მერაბიშვილი ბულბული იყო, აი! ეგ იყო, თუ იყო, ლაპარაკი საერთოდ რომ არ იცოდა“, - განაცხადა ამირეჯიბმა.