აშშ-ის სენატის მიერ ინიცირებულ კანონპროქტს ევროპულ და ევროატლანტიკურ ინტეგრაციის საკითხებში სახელმწიფო მინისტრი ალექსი პეტრიაშვილი ეხმაურება.

„პოლიტიკური მხარდაჭერის თვალსაზრისით საქართველო ამერიკის შეერთებულ შტატებთან როგორც თავის ყველაზე მთავარ სტრატეგიულ პარტნიორთან თვისობრივად ახალ საფეხურზე აიყვანს თავის თანამშრომლობას ყველა ძირითადი მიმართულებით. რა თქმა უნდა, ეს ეხება პირველ რიგში უსაფრთხოებას თავდაცვის უნარიანობის გამტკიცებას, ასევე ეხება სხვა სფეროებს, როგორიც არის მედიაკომუნიკაცია, ეკონომიკა და ა.შ. ეს ძალიან მნიშვნელოვანია, რომ უკრაინა მოლდოვა და საქართველო ერთად იქნებიან აღიარებული როგორც მთვარი მოკავშირეები ამერიკის შეერთებული შტატების“,- განაცხადა პეტრიაშვილმა.

აშშ-ის სენატის მიერ ინიცირებული კანონპროქტი თანახმად ყოფილ საბჭოთა კავშირის ქვეყნებში რუსული პროპაგანდის საწინააღმდეგოდ მომდევნო სამი წლის განმავლობაში 10 მილიონი დოლარი გამოიყოფა.

კანონპროექტი ასევე ითვალისწინებს საქართველოში, უკრაინასა და მოლდოვაში რუსულენოვანი "ამერიკის ხმისა" და "რადიო თავისუფლების" მაუწყებლობის პრიორიტეტულობას.

კანონპროექტის განხილვა სენატში დღეს, იგეგმება. დღესვე აშშ-ის კონგრესში დაგეგმილია უკრაინის პრეზიდენტის პეტრო პოროშენკოს სიტყვით გამოსვლა.