სამართალდამცველები გვიან ღამემდე მუშაობდნენ ზაზა წოწელიას სახლში, რომელიც ბარბარე რაფალიანცის ოჯახის ადვოკატის, ლალი ბიწოშვილის ბრალდებების მთავარი ადრესატია. როგორც ბიწოშვილი ირწმუნება წოწელიამ ვიდეო მსაზე ზეწოლის შედეგად ჩაწერა.

თავად წოწელია ადასტურებს, რომ რაფალიანცების ადვოკატი მან ყოველგვარი ძალდატანების გარეშე ჩაწერა და მასალაც თავად ლალი ბიწოშვილს გადასცა.

„ეს ვიდეო მასალა ქალბატონმა ლალიმ თავისი ნებით ჩამაწერინა. შემდეგ ეს ჩაწერილი დისკი მას დავუბრუნე უკან. ამის შემდეგ სად წაიღო ეს დისკები, ვის გადასცა არ ვიცი. თუ ზეწოლის ქვეშ ჩაიწერა ამდენი ხანი სად იყო?“, - აცხადებს წოწელია.

პოლიციელებმა ზაზა წოწელიას ბინიდან პერსონალური კომპიუტერი, ლაზერული დისკები და ერთი პლანშეტი ამოიღეს.

ადვოკატის თქმით, პოლიციას ეჭვი აქვს, რომ წოწელია სახლში რამდენიმე დღის წინ გავრცელებული ვიდეომასალის ასლებს ან სხვა ჩანაწერებს ინახავდა.