"ეს ჩემს მიმართ მოწყობილი შანტაჟია, მე ვიყავი დიდი ფსიქოლოგიური ზეწოლის ქვეშ"

პოლიტიკა - 15:12, 18 Sep, 2014

6588

ბარბარე რაფალიანცის ოჯახის ადვოკატი ლალი ბიწოშვილი აცხადებს, რომ ჩანაწერი მისი ნებართვის გარეშეა გაკეთებული და მას „ქართული ოცნებისთვის“ არასოდეს უღალატია.

„მე „ქართული ოცნებისთვის“ არასოდეს მიღალატია, ეს არის ჩემი სიცოცხლის შანტაჟის და ფსიქოლოგიური ზემოქმედების ქვეშ ჩაწერილი ჩანაწერი. ჩანაწერში რაზედაც არის საუბარი ეს არის დაშინებით, რომელიც მიმდინარეობდა ძალიან დიდი ხნის განმავლობაში რომ მე მომკლავდნენ, მე ვიყავი ძალიან დიდი ფსიქოლოგიური ზეწოლის ქვეშ და ეს ჩანაწერი რაც არის გაკეთებული ეს არის ჩემს მიმართ მოწყობილი ჩვეულებრივი შანტაჟი. ეს არის ზაზა წოწელია, რომელიც გარკვეული პერიოდის განმავლობაში ცემთან მეგობრობდა. წოწელიას უკან ეს ცემთვის უცნობია და ამას გამოძიება დაადგენს“, - განაცხადა ლალი ბიწოშვილმა.

16 სექტემბერს გავრცელდა ვიდეომასალა, სადაც, ორი წლის წინ საეჭვო ვითარებაში გარდაცვლილი ჩვილის, ბარბარე რაფალიანცის ოჯახის ადვოკატი ლალი ბიწოშვილი ამბობს, რომ ბარბარე რაფალიანცის გარდაცვალების საქმეში დამნაშავე "ქართული ოცნებაა". ვიდეო 2014 წლის თებერვალშია ჩაწერილი, დღეს კი აცხადებს, რომ ეს ინფორმაცია არ დადასტურდა.