დეპუტატები რაფალიანცის საქმეზე საგამოძიებო კომისიის შექმნის მიზანშეწონილობაზე დღეს იმსჯელებენ

პოლიტიკა - 09:57, 18 Sep, 2014

1691

რამდენად მიზანშეწონილია ბარბარე რაფალიანცის საქმის შესასწავლად საგამოძიებო კომისიის შექმნა, ამ საკითხს დეპუტატები დღეს სესიაზე განიხილავენ.

უმრავლესობაში აზრი ორად გაიყო, საგამოძიებო ჯგუფის შექმნა გუშინ საპარლამენტო უმცირესობამ მოითხოვა. არ არის გამორიცხული კომისიის შექმნის შემთხვევაში მის მუშაობაში არასამთავრობო სექტორიც ჩაერთოს.

„რა თქმა უნდა რაფალიანცთან დაკავშირებით უკვე არის კითხვა და ჩემი ჩათვლით ყველას აქვს ამდაგვარი კითხვა.. შეიქმნას კომისია რა პრობლემაა.. მაგრამ მოდი ჯერ პროკურატურას და საგამოძიებო ორგანოებს ვკითხოთ, იქნებ რაიმე წინგადადგმული ნაბიჯი ამ მიმართულებით არსებობს და შეუძლიათ, რომ გაგვცენ პასუხი, თუ არა და საპარლამენტო კომისია იქნება თუ რაიმე სხვა პრობლემა არ არის“,- განაცხადა ვიქტორ დოლიძემ.

"გავიდა უკვე ორი წელი და ჩვენ არაფერი არ ვიცით, ამ საშინელი დანაშაულის შესახებ, ჩვენ ვთქვით, რომ ბოლომდე მივყვებით ამას და ყველა დამნაშავე დასჯილი იქნება, დამნაშავე როგორც ამ საშინელი მკვლელობაში, ასევე ამ საშინელი მკვლელობის დაბრალებაში, შესაბამისდ ჩვენ ვითხოვთ, რომ გამოძიებული იყოს ეს საკითხი რათა სიმართლე დადგინდეს“, - განაცხადა გოკა გაბაშვილმა.

10 თვის ბარბარე რაფალიანცი 2012 წლის 30 სექტემბერს სოფელ კოლაგში წყლით სავსე ქვევრში გარდაცვლილი იპოვეს. ბავშვის მკვლელობა თავიდანვე პოლიტიკას და არჩევნებს დაუკავშირეს.გამოძიება ამ დრომდე დასრულებული არ არის.