ბარბარე რაფალიანცის გარდაცვალების საქმეზე საპარლამენტო უმცირესობა საგამოძიებო კომისიის შექმნას ითხოვს. როგორც ბიუეროს სხდომაზე დეპუტატმა სერგო რატიანმა განაცხადა, აღნიშნულთან დაკავშირებით უფრო მეტი კითხვაა, ვიდრე პასუხი.

„ეს საქმე „ქართული ოცნების“ სპეკულაციის საგანი იყო პირველივე დღიდან და ჩვენ ყოველგვარი მითითებების და სიბინძურის გარეშე წყნარად ვაყენებთ საგამოძიებო კომისიის შექმნის საკითხს“, - განაცხადა რატიანმა.

უმრავლესობის ნაწილი მიიჩნევს, რომ რატიანის მხრიდან გაჟღერებული ეს ინიციატივა არის პოლიტიკური სპეკულაცია, თუმცა რაფალიანცის საქმეზე სპეციალური კომისიის შექმნის მომხრეა ვიქტორ დოლიძე.

„შევქმნათ ეს კომისია. ჩვენ ევროკავშირია, ამერიკელი სენატორები თუ სხვა ვეუბნევით, რომ ჩამობრძანდნენ და ნახონ რეალურად რა ხდება ქვეყანაში“, - განაცხადა ვიქტორ დოლიძემ.

პარლამენტის თავმჯდომარის განმარტებით კი რეგლამენტის გათვალისწინებით კომისიის შექმნის აუცილებლობა არ არსებობს.

„განვმარტე, რომ ბიურო არ მსჯელობს ახლა იმაზე შესაქმნელია თუ არა კომისია“, - განაცხადა უსუფაშვილმა.

აზრთა სხვადასხვაობის მიუხედავად, „ნაციონალური მოძრაობის“ ინიციატივა დღის წესრიგში ჩასმული იქნა და ამ საკითხზე უკვე პლენარუს სხდომაზე იმსჯელებენ.