საპარლამენტო უმრავლესობის წევრი მანანა კობახიძე აცხადებს, რომ მას გაუჭირდება საქართველოს პრეზიდენტი გიორგი მარგველაშვილი „ქართული ოცნების“ გუნდის წევრად ჩათვალოს.

"ამ ვითარებაში, რთულია ამის თქმა, როცა ეს ფაქტორები ღიაა და არის ხელის გულზე, მე მიჭირს ამის თქმა, თუმცა მინდა, რომ გიორგი მარგველაშვილი იყოს ჩვენი გუნდის წევრი, მაგრამ ის ამბობს თავად, რომ ის არის პოლიტიკური კარიერის პიკზე და არ ჭირდება პოლიტიკური გუნდი“,- განაცხადა კობახიძემ „რუსთავი 2“-ის ეთერში, გადაცემა „არჩევანში“ სტუმრობისას.