ბარბარე რაფალიანიცის გარდაცვალების საქმეზე ურთიერთბრალდებები გრძელდება. ადვოკატ რომეო საჯაიას განცხადებით, „ქართული ოცნების“ ერთ-ერთმა წევრმა მას გადასცა ვიდეომასალა, სადაც რაფალიანცის ადვოკატი ლალი ბოწოშვილი კამერასთან ყვება, რომ ბავშვის სიკვდილის ერთ-ერთი ორგანიზატორი მანანა ბერიკშვილია.

ადვოკატმა დღეს არ დაასახელა თუ ვისგან მიიღო ეს ინფორმაცია. საჯაია მცირეწლოვანის გარდაცვალებაში ხელისუფლების წარმომადგენლებს ადანაშაულებს, მათ შორის დანაშაულის ხელისშემწყობად ამჟამინდელი შინაგან საქმეთა სამინისტროს გენინსპექციის უფროსს ვარლამ ხათრიძეს ასახელებს.

"მას ხელისუფლებისგან გააჩნდა შიში, რომ შეიძლებოდა მის სიცოცხლეს საფრთხე შექმნოდა. ამიტომ თავის დაზღვევის მიზნით, ამ ადამიანმა ჩაწერა ეს ვიდეო. სადაც არის აღიარებითი ჩვენება რა მოხდა, ვინ მოკლა,რატომ მოკლა და ა.შ.",- განაცხადა საჯაიამ.

ბრალდებაზე განმარტება კულტურის მინისტრის მოადგილემ მანანა ბერიკაშვილმაც გააკეთა.

„მთელი ეს დიდი კამპანია არის ნაძირლების უნიჭო სპექტაკლი, ჩემი კომენტარი არის მხოლოდ ეს. არც ერთი ეს გვარი მე არაფერს არ მეუბნება, თქვენი მონაყოლიდან ვიცი ამბავი არაფერი არ მინახავს“,- განაცხადა მანანა ბერიკაშვილმა.

ლალი ბოწოშვილი კი აცხადებს, რომ წლების წინ ის მართლაც ფიქრობდა, რომ რაფალიანცის საქმეში დამნაშავე მოქმედი ხელისუფლება იყო, თუმცა ახლა იგი ამბობს, რომ მას შემდეგ ბევრი რამ შეიცვალა.

ეს სტატია წარმოადგენს თემის გაგრძელებას