პარლამენტის ვიცე-სპიკერი მურმან დუმბაძე და აჭარის უმაღლესი საბჭოს დეპუტატები პრეზიდენტთან შეხვედრას ითხოვენ.

ამის შესახებ დუმბაძემ თავად განაცხადა. მისი თქმით, აჭარის მთავრობასა და ცენტრალურ ხელისუფლებას შორის დაძაბული ვითარებაა და გიორგი მარგველაშვილთან შეხვედრის შემთხვევაში ამ თემასაც შეხებიან.

დუმბაძე პარლამენტის თავმჯდომარესა და შინაგან საქმეთა მინისტრსაც მიმართავს, რომ მისი უსაფრთხოება უზრუნველყონ. მისი თქმთ, წინააღმდეგ შემთხვევაში ჩათვლის, რომ „მის წინააღმდეგ ყველაფერი მთავრობის მიერ არის ორგანიზებული“.

„მას შემდეგ, რაც 14 სექტემბერს უმრავლესობის რიგებიდან წამოვიდა, ჩემს ტელეფონზე სხვადასხვა ნომრებიდან სისტემატიურად ხორციელდება მუქარის ზარები“, - აცხადებს დუმბაძე.