საპარლამენტო უმრავლესობის წევრი ზაქარია ქუცნაშვილი გიორგი მარგველაშვილს 13:00 საათზე ავლაბრში პრეზიდენტის რეზიდენციაში შეხვდება. როგორც „ნიუპოსტს“ ქუცნაშვილმა განუცხადა, თუ პრეზიდენტი კონკურენტის პოზიციიდან უყურებს პოლიტიკურ განშტოებებს, მას მცდარი შეხედულება ჰქონია.

„თუ პრეზიდენტი ხელისუფლების პოლიტიკურ განშტოებებს - პარლამენტსა და მთავრობას უყურებს კონკურენტის პოზიციიდან, ეს მცდარი შეხედულებაა. ეს არსებულ გაუგებრობას დაპირისპირების რეჟიმში შეიყვანს. პრეზიდენტი არ გახლავთ პოლიტიკური განშტოება, ეს სახელისუფლებო ინსტიტუტია. პრეზიდენტი არ შეიძლება, იყოს პოლიტიკური ხელისუფლებების განშტოებების კონკურენტი. მინდა გიორგის ამ თემაზე ვესაუბრო“,- აცხადებს ზაქარია ქუცნაშვილმა.