პრეზიდენტს დახმარება სჭირდება იმის გარკვევაში, თუ სად გადის პასუხისმგებლობის სფეროებს შორის ხაზები, - ამის შესახებ ევროპულ და ევროატლანტიკურ ინტეგრაციის საკითხებში სახელმწიფო მინისტრმა ალექსი პეტრიაშვილმა განაცხადა.

მისი თქმით, მთავრობასა და პრეზიდენტს შორის კომუნიკაციის პრობლემა არსებობს. როგორც პეტრიაშვილი განმარტავს, მთავრობა მზადყოფნას გამოთქვამს ამ კომუნიკაციაში არსებული ხარვეზების აღმოსაფხვრელად.

„პრეზიდენტს სჭირდება დახმარება იმის გარკვევაში, თუ სად გადის პასუხისმგებლობის სფეროებს შორის ხაზები. ამის შემდეგ შეიძლება საუბარი იმაზე, ვინ ვისი გარანტია, ვინ - აღმასრულებელია. პრემიერის, მთავრობის გუნდის მხრიდან ასეთი მზაობა არის, მაგრამ ეს მზაობა დაყრდნობილი უნდა იყოს ურთიერთპატივისცემაზე", - განაცხადა ალექსი პეტრიაშვილმა.