თამარ ჭოხონელიძე:,,გული საშინლად მტკივა,როცა ჩემს მიერ არჩეული ხელისუფლება ასე იქსაქსება!"

პოლიტიკა - 05:57, 16 Sep, 2014

5769

მომღერლი გულისტკივილით აღნიშნავს, რომ ბოლო დროს მას ძალიან ბევრს ეკითხებიან უცნობი ადამიანები-საით მივდივართ? რა ხდება? ქალბატონი თამარი ინტერვიუში ხაზს უსვამს, რომ ყველაზე მეტად მას ახალ ხელისუფლებაში შიდა დაპირისპირებები აშფოთებს, ,,ჯერ არ მოსულან ხელისუფლებაში და უკვე ერთმანეთს ჭამენ, მერიდება იმ ადამიანებისთვის თვალებში ჩახედვა, ვინც ჩემთან ერთად, საათობით იდგნენ მრავალათასიან მიტინგებზე იმის იმედით, რომ ყველაფერი უმოკლეს დროში შეიცვლებოდა."

თამარ ჭოხონელიძე მიიჩნევს, რომ დღეს ბევრ ბიზნესმენს ჭილყვავები ახვევია და მათ მიმართავს: ,,დაფიქრდით ხალხნო, ვის ჯიბეებს ასქელებთ, მაშინ, როცა ხალხს ლუკმაპურის ფული არა აქვს."

ქალბატონი თამარის აზრით დღეს ხელისუფლება სულ უფრო და უფრო შორდება ხალხს, ,,არიან ადამიანები ვინც ასე ოსტატურად აშენებენ კედელს არა მხოლოდ ჩემსა და ბატონ ბიძინას შორის არამედ, ხელისუფლებასა და ხალხს შორის. წარმოიდგინეთ მე ბერას ნათლია, ვერ ვახერხებ ივანიშვილთან შეხვედრას და რიგითი მოქალაქეების ხმა როგორ მიწვდება ხელისუფლებას?!"

ინტერვიუს ბოლოს მომღერალი მოუწოდებს ბატონ ბიძინა ივანიშვილს დაუგდოს ყური ხალხის ხმას - ბატონო ბიძინა, დაფიქრდით იმაზე, ვინ არის თქვენი რეალური გულშემატკივარი და შეფარული მეგობარი!"