მურმან დუმბაძემ უმრავლესობა და ფრქაცია "ქართული ოცნება" დატოვა. აღნიშნული განცხადება პარლამენტის ვიცე-სპიკერმა დღეს ბიუროს სხდომის დასრულების შემდეგ გააკეთა.

მისი თქმით, ის არ ვიცე-სპიკერის თანამდებობის დატოვებას არ აპირებს.

"მივმართავ ფრაქციის ხელმძღვანელობასაც და უმრავლესობის ხელმძღვანელობასაც, რომ დავტოვე როგორც ფრაქციის ასევე უმრავლესობის რიგები. ასე, რომ ჩათვალონ ჩემი თავი აქედან გასულად. ნუ გაირჯებიან რაიმე დოკუმენტაციის გაფორმებაში და ოქმების გაფორმებაში. მე ვალდებულებებისგან თავისუფალი ვარ, პარლამენტის უმრავლესობის და ფრაქცია "ქართული ოცნების" მიმართ", -განაცხადა მურმან დუმბაძემ.

რაც შეეხება პარლამენტის ვიცე-სპიკერის პოსტს, გავრცელებული ინფორმაციით, დუმბაძის შემცვლელად ქობულეთის მაჟორიტარი დეპუტატის ფატი ხალვაშის კანდიდატურა განიხილება.