ნინო ბურჯანაძე ბიძინა ივანიშვილს რუსულ კონტაქტებს ახსენებს

პოლიტიკა - 15:12, 15 Sep, 2014

2947

ვინ წარმოიდგენდა, რომ 2012 წლის საპარლამენტო არჩევნების შემდეგ ,,ნაციონალური მოძრაობა“ გაბედავდა საპრეზიდენტო კანდიდატურის წამოყენებას და იმას, რომ ,,ოცნების“ წყალობით, დავით ბაქრაძე მეორე ადგილზე გავიდოდა 22%-ით, - ,,გაერთიანებული დემოკრატიული მოძრაობის“ ლიდერი ნინო ბურჯანაძე ქვეყანაში მიმდინარე მოველენებზე ,,ქრონიკას“ ესაუბრა. ბურჯანაძე აცხადებს, რომ ის, რაც ქვეყანაში ხდება, შეიძლება, თავად ბიძინა ინავიშვილს ძალიან ცუდად შემოუტრიალდეს.

ნინო ბურჯანაძე 2012 წელს ბიძინა ივანიშვილის კოალიციაში მისი არშესვლის მიზეზებზე საუბრობს და მიიჩნევს, რომ ივანიშვილი ამ გადაწყვეტილებაში მარტო არ იყო და ის იძულებული გახდა, რაღაცისთვის ანგარიში გაეწია.

,,მოსაზრება იმაზე, როცა ბიძინა ივანიშვილი ამბობს, რომ ნინო ბურჯანაძე პრორუსულია და ამიტომ მასთან კოალიციაში ვერ ვიქნებიო, ეს არასერიოზულია, მაშინ, როცა თავად ბიძინა ივანიშვილს აქვს გაცილებით მეტი პოზიციები კონკრეტული მიმართულებებით რუსეთში და ნაცნობობა იმ ადამიანებთან, ვისთანაც მე საერთოდ არ მქვს კონტაქტი. ეს ერთი, მეორე - ,,ქართულ ოცნებაში“ არიან ძალები, რომლებიც გაცილებით მეტად ატარებენ რუსულ პოზიციებს, ვიდრე მე და მათი გვარების ჩამოთვლას აზრი არ აქვს, ისედაც ყველამ ყველაფერი იცის“, - აცხადებს ნინო ბურჯანაძე გაზეთ ,,ქრონიკასთან“ ინტერვიუში.