თბილისის მერი დავით ნარმანია აშშ-ის სახელმწიფო დეპარტამენტის განცხადებას გამოეხმაურა. მისი თქმით, ქვეყანაში არავითარი პოლიტიკური დევნა არ არის.

“არანაირი პოლიტიკური დევნა არ არსებობს ქვეყანაში. ქვეყანაში არის სამართლის და კანონის უზენაესობა. სამართალდამცველები იღებენ ისეთ გადაწყვეტილებას, რაც მათ მოქმედი კანონმდებლობიდან უნდა მიიღონ”, - განაცხადა ნარმანიამ.

აშშ-ის სახელმწიფო დეპარტამენტმა შეშფოთება გამოთქვა, საქართველოში ოპოზიციის წარმომადგენელთა მიმართ წარმოებული გამოძიებებისა და სისხლისსამართლებრივი ბრალდებების გამო.

„...ჩვენ შეშფოთებულნი ვართ ოპოზიციის წარმომადგენელთა მიმართ გამოძიებებისა და სისხლის სამართლებრივი ბრალდებების გაგრძელებით, იმ რისკებით, რასაც პოლიტიკური დევნა შეუქმნის საქართველოს დემოკრატიას. ამერიკის შეერთებული შტატები კვლავაც განაგრძობს საქართველოს დემოკრატიული განვითარების მხარდაჭერას, რომელიც უნდა მოიცავდეს პოლიტიკური პლურალიზმისა და ღია დებატების პატივისცემას", - ნათქვამია სახელმწიფო დეპარტამენტის განცხადებაში.