მზად ვართ, გამოვნახოთ ფინანსური რესურსი სტუდენტებისა და მეცნიერების მიერ შექმნილი ინოვაციებისა და პროექტების დაპატენტება–წარმოებისთვის,-ამის შესახებ პრემიერ-მინისტრმა საქართველოს ტექნიკურ უნივერსიტეტში წარმოდგენილი ინოვაციური ტექნოლოგიების გამოფენის დათვალიერების შემდეგ განაცხადა.

მან სინანული გამოთქვა, რომ საქართველოს მოსახლეობამ არ იცის, თუ რა დიდი მიღწევები გააჩნიათ ქართველ მეცნიერებს ინოვაციური ტექნოლოგიების მიმართულებით და მედიის წარმომადგენლებს საზოგადოების ინფორმირებისკენ მოუწოდა.

პრემიერ–მინისტრის განცხადებით, ახალი ტექნოლოგიების, სამეცნიერო ინოვაციების განვითარება, განსაკუთრებით კი გამოყენებით მეცნიერებებში, დიდი შესაძლებლობაა ქვეყნის ეკონომიკის განვითარების დასაჩქარებლად. მანვე მოუწოდა ბისზნესის წარმომადგენლებს, ჩაერთონ პროექტის განხორციელებაში.

„მინდა მოვიწვიო ამ სფეროში მომუშავე ბიზნესის წარმომადგენლები, კომპანიები, რომლებიც დაინტერესებულნი არიან ახალი ტექნოლოგიების წარმოებით საქართველოში და ჩაერთონ აღნიშნული პროექტების წარმოებაში. ჩვენ ვართ პატარა სახელმწიფო და რა უნდა გააკეთოს პატარა სახელმწიფომ – ის რაც დღეს ჩვენ ვიხილეთ, ახალი ტექნოლოგიების დამკვიდრება, ახალი პროექტების შექმნა, ინოვაციების შემოტანა", - განაცხადა ირაკლი ღარიბაშვილმა.