საქართველოს პრემიერ-მინისტრი ირაკლი ღარიბაშვილი სასწავლოს წლის დაწყებასთან დაკავშირებით საქართველოს ტექნიკურ უნივერსიტეტს ესტუმრა და სტუდენტებს შეხვდა.

პრემიერმა სტუდენტებს ახალი სასწავლო წლის დაწყება მიულოცა და წარმატებები უსურვა.

„ის რაც მე დღეს ვიხილე, ეს არის მართლაც საოცრება, ვარ აღფრთოვანებული, დავრწმუნდი რომ აქ არსებობს პოტენციალი და საჭიროა ამ პოტენციალის სწორად გამოყენება. მე გპირდებით, რომ ჩვენ სახელმწიფო, მთავრობა, პირადად მე გავაკეთებ ყველაფერს, რომ ეს პოტენციალი იქნეს სწორად გამოყენებული. მე მსურს და ვაცხადებ, რომ მზად ვარ დამატებითი დაფინასება გამოგიყოთ, რომ თქვენს მიერ შექმნილი ახალი ინოვაციების და პროექტების დაპატენტება შეძლოთ. ჩვენთვის ტექნიკური დარგების განვითარება არის ერთ-ერთი მთავარი მიმართულება ახალი ტექნოლოგიების, როგორც უკვე ვისაუბრეთ ინოვაციების განვითარება და განსაკუთრებით გამოყენებით მეცნიერებებში. თქვენს უნივერსიტეტს აქვს ძალიან კარგი რესურსი და პოტენციალი იმისთვის, რომ ეს ყველაფერი რეალობად იქცეს. მე მინდა მადლიერება გამოვხატო იმ დახმარების გამო, რომელსაც ამერიკის მთავრობა უწევს სქართველოს განათლების სფეროში. მე მიხარია, რომ თქვენი უნივერსიტეტი საქართველოს სამ უმაღლეს უნივერსიტეტს შორის არის სადაც მომავალი ოცი წლის განმავლობაში განხორციელდება საერთაშორისო და ამერიკული საბაკალავრო პროგრამები“,- განაცხადა ღარიბაშვილმა სტუდენტებთან სიტყვით მიმართვისას.