ალექსანდრე ჭიკაიძეს პოლიციაში დიდ პატივს სცემენ და თანამშრომლებს ის ძალიან უყვართ, - ამის შესხებ ექსპრემიერმა ივანიშვილმა ,,კვირის პალიტრასთან“ ინტერვიუში განაცხადა.

"უნდათ, შს მინისტრი, პრემიერი თუ სხვები იდეალურები იყვნენ, არადა, ადამიანი იდეალური ვერ იქნება, ყველას აქვს თავისი შეცდომები და მინუსები. ჭიკაიძე საქმიანობით შეაფასეთ. ამჩნევთ მას კორუფციისკენ მიდრეკილებას ან პოლიციაში რაღაც საშინელება ხდება?! მე ვიცი, რომ პოლიციაში მას დიდ პატივს სცემენ და უყვართ თანამშრომლებს. ის ახერხებს, რომ მართოს შს სამინისტრო, რომელიც დღეს ეფექტიანი და წესიერი გუნდითაა დაკომპლექტებული. მე ჭიკაიძეში ზედმეტ პატიოსნებას, წესიერებას ვხედავ. რას ერჩით?! ეს კაცი თავის საქმეს კარგად აკეთებს, მიუხედავად იმისა, რომ "ნაციონალურ მოძრაობას"უნდა ყველაფერი უკუღმა დახატოს", - განაცხადა ბიძინა ივანიშვილმა.