საპარლამენტო უმცირესობის წევრი გია ბარამიძე ზურაბ ჟვანიას გარდაცვალებასთნ დაკავშირებით განცხადებას ავრცელებს. დეპუტატის თქმით, მან უკვე მიმართა ადვოკატ ბექა ბასილაიას, რათა სასამართლოზე მოწმის სახით ჩვენების მიცემის საშუალება მიეცეს.

"ზურაბ ჟვანიას გარდაცვალების საქმეზე, რომლის თაობაზეც ამდენი ჭორი, ბინძური ინსინუაცია და დაუსაბუთებელი ბრალდება წლებია, ისმის, ჩემი არაერთგზის საჯარო მიმართვის მიუხედავად, პროკურატურამ დღემდე არაფერი მკითხა. ამიტომ, მე მივმართე ადვოკატ ბექა ბასილაიას (რომელიც ზურას საქმეზე იცავს კობა ხარშილაძის უფლებებს), რათა მომეცეს შესაძლებლობა სასამართლოს წინაშე მოწმის სახით ჩვენება მივცე.

იმედი მაქვს, სასამართლოში მოსამართლე და ამ საქმის ნაფიცი მსაჯულების მიერ განხილვის შემთხვევაში ისინიც, მოისმენენ, რაც მე ვიცი ამ საქმეზე და დასრულდება, ზურას გარდაცვალების საქმის პოლიტიკური მიზნებით, ზურას მეგობრებისა და ერთგული თანამებრძოლების წინააღმდეგ უსირცხვილოთა და ცილისმწამებლურად გამოყენება", - აღნიშნულია განცხადებაში.