ჟურნალისტი ნანუკა ჟორჟოლიანი ბიძინა ივანიშვილის იმ განცხადებას ეხმაურება, სადაც ყოფილი პრემიერი ამბობს: „სავარაუდო ჟურნალისტობაზე აბსოლუტურად განსჯის სახით ვესაუბრებოდი ვიღაცას და მეორე დღეს ჟორჟოლიანმა ეს ტელევიზიით გადმოსცა“.

„არ მგონია შეშლოდა ჩემი გვარი! კარგად უნდა იცოდეს! არაერთხელ შემოუთვლია მადლობა ბერას გადაცემაზე და უთქვამს, რომ ჩემს გადაცემაში ბერას პირველი გამოჩენა სწორედ მისი გადაწყვეტილება იყო! მე გადაცემაში ბიძინას სავარაუდო წამყვანობაზე არცერთ „ნანუკას შოუში“ არ მისაუბრია! ან თქვას რომ იცრუა! ისევე როგორც ბევრი რამ! ( ბევრი დეტალი მაქვს მოსაყოლი ამასთან დაკავშირებით)! ან თქვას რომელ „ნანუკას შოუში“ ნახა ეს თემა! ან აღიაროს რომ შეეშალა გვარი წამყვანის!“,-წერს ნანუკა ჟროჟოლიანი „ფეისბუქის“ საკუთარ გვერდზე.

ამის შესახებ საქართველოს ყოფილმა პრემიერ-მინისტმა ბიძინა ივანიშვილი გაზეთ "კვირის პალიტრასთან" ექსკლუზიურ ინტერვიუში ისაუბრა:

"რაც შეეხება ჩემს სავარაუდო ჟურნალისტობას, სხვათა შორის, ეს თემა ერთ-ერთი საბუთი იყო იმისა, რომ ტელეფონებზე კვლავ გვისმენენ, მათ შორის - მეც (იცინის). სავარაუდო ჟურნალისტობაზე აბსოლუტურად განსჯის სახით ვესაუბრებოდი ვიღაცას და მეორე დღეს ჟორჟოლიანმა ეს ტელევიზიით გადმოსცა. არ ვიცი, რა და როგორ არის... ისე, შეიძლება, მართლაც მოხდეს ისე, რომ მე გადაცემის თანაწამყვანი და ჟურნალისტი ვიყო. თუმცა, ჯერ ბოლომდე ჩამოყალიბებული არ ვარ. სულ ორი-სამი დღის დაწყებული იყო ეს საუბრები და უეცრად ეს ამბავი ტელევიზიით გადმოსცეს, რამაც გამაოცა. ვიმეორებ - შესაძლოა, ასეც მოხდეს, ოღონდ დაბალი ალბათობით".