ევრო-ატლანტიკური ძალების კონსოლიდაცია - ახალი გზავნილი აშშ-ს სახელმწიფო დეპარტამენტისგან

პოლიტიკა - 23:07, 13 Sep, 2014

1793

"ამერიკის შეერთებული შტატები მოუწოდებს საქართველოს დემოკრატიულ და ევრო-ატლანტიკური მიმართულების ძალებს, ფოკუსირება მოახდინონ საერთო ინტერესებსზე, განავითარონ არსებული მიღწევები ითანამშრომლონ ქვეყნის წინსვლისთვის, იზრუნონ ეკონომიკური და რეგიონული უსაფრთხოების საკითხებში არსებული მწვავე გამოწვევების დაძლევაზე“, - ეს განცხადება აშშ-ს სახელმწიფო დეპარტამენტმა საქართველოსთან მიმართებაში გააკეთა.

ექსპერტი სერგი კაპანაძე აცხადებს, რომ მსგავსი ტიპის განცხადება არის ახალი შეერთებული შტატების სახელმწიფო დეპარტამენტის მხრიდან, რომელიც განპირობებულია იმით, რომ სწორედ პროდასავლურ ძალებზეა დამოკიდებული საქართველოს დემოკრატიული განვითარება.

,,სახელმწიფო დეპარტამენტი, როგორც სჩანს გარკვუელი ხაზის გასმას ცდილობს, როგორც კოალიციაში არსებულ სხვადასხვა ძალებს შორის, ისე ქვეყანაში არსებულ პოლიტიკურ ძალებში, რადგან იმედი იმისა, რომ საქართველო განვითარდება დემოკრატიულად არის სწორედ იმ ძალებზე, რომლებიც პროდასავლური არიან და არა იმ ძალებზე, რომლებსაც კოალიციის შიგნითაც არ აქვთ მკვეთრი პროდასავლური ღირებულებები. ეს არის ახალი გზავნილი, რომელიც აქამდე არ ყოფილა სახელმწიფო დეპარტამენტიდან და კარგია, რომ განცხადების ამ ნაწილს ყურადღება მიექცა“, - განაცხადა სერგი კაპანაძემ. მისივე თქმით, ყურადსაღებია ის, რომ სახელმწიფო დეპარტამენტის განცხადება, მიუხედავად მისი მკაცრი ტონისა, არის მეგობრის და პარტნიორის განცხადება და მას არ აქვს კონფრონტაციული ტონი.

,,ეს არის პარტნიორის განცხადება, რომელცი სწუხს იმაზე, რა პროცესებიც საქართველოში მიმდინარეობს. აქ საუაბრია, რომ პოლიტიკური ოპონენტები უნდა იყვნენ დაცული და არ უნდა ხორციელდებოდეს მათი დევნა. რეაქცია ამაზე უნდა იყოს კარგად მოფიქრებული და არ შეიძლება ისეთივე რეაქციის მიცემა, რომელიც აქამდე ჰქონდათ ხელისფლების წარმომადგენლებს“, - დასძენს ექსპერტი.