,,უნდა რომ ჩამოვიდეს...“ - ასლან აბაშიძის ოჯახი ბათუმში დაბრუნებას გეგმავს

პოლიტიკა - 09:14, 13 Sep, 2014

3965

ასლან აბაშიძის და საკუთარ გეგმებზე ისაუბრა ,,რუსთავის 2“-თან ექსკლუზიური ინტერვიუში ბათუმის ყოფილმა მერმა გიორგი აბაშიძემ.

გიორგი აბაშიძემ მისი დაკავების დეტალებზე საუბრისას აღნიშნა, რომ პოლიციური კონტროლის შესახებ არაფერი იცოდა და თავდაპირველად ეგონა, რომ ის სამართალდამცავებმა შეგნებულად დააკავეს. გათავისუფლების შემდეგ საკუთარი სიმართლის დამტკიცებას ასლან აბაშიძის შვილი სასამართლოში გეგმავს.

რაც შეეხება მის გეგმებს, გიორგი აბაშიძე ამბობს, რომ პოლიტიკით დაინტერესებული არ არის და მისი მთავარი ინტერესი ასლან აბაშიძესთან ერთად ოჯახის რეპუტაციის აღდგენა და ბათუმში საცხოვრებლად დაბრუნებაა:

,,უნდა რომ ჩამოვიდეს და თავისი მიწაწყალი ნახოს, თვითონ არ უთქვამს ამ სიტყვებით, მაგრამ მე ამაში დარწმუნებული ვარ. შვილიშვილები, მეტი რა გეგმები უნდა ჰქონდეს 76 წლის კაცს. მე მინდა, რომ გადმოვიდე ნელ-ნელა, გავარკვიო... მე ვფიქრობ, რომ აქამდე არსწორი იყო და ვაპირებ, რომ ჩემი და ჩემი გვარის სიმართლე დავიცვა... ოჯახი შევქმნა, როგორც ყველამ...“

გიორგი აბაშიძე თვლის, რომ ბათუმის მერად ყოფნის პერიოდში ქალაქისთვის მეტის გაკეთება შეეძლო. აბაშიძე განახლებული ქალაქით გაოცებულია. ,,ძალიან მომწონს, სიმართლე რომ გითხრათ. განათებულია, შეცვლილია ძალიან ქალაქი. მე არ მახსოვდა ასეთი და ბიჭებს ვეუბნებოდი, რომ გამიჭირდა ცოტა შეჩვევათქო“, - განაცხადა გიორგი აბაშიძემ.