„საქართველოში აშენდება მეჩეთი ქართული ფულით და ქართული სახელმწიფოს მიერ, მაგრამ მას არ ერქმევა აზიზიე“, - ამის შესახებ რელიგიის საკითხთა სახელმწიფო სააგენტოს უფროსმა ზაზა ვაშაყმაძემ განაცხადა.

თუმცა მას არ დაუკონკრეტებია სად აშენდება და როდის დაიწყება მეჩეთის მშენებლობა.

თურქეთის რელიგიურ საქმეთა დეპარტამენტის ხელმძღვანელი მეჰმედ გორმეზი დღეს საქართველოს კათოლიკოს-პატრიარქს შეხვდა. გორმეზმა იმედი გამოთქვა, რომ საქართველოში ახმედის და აზიზიეს მეჩეთი აშენდება.

მისი თქმით, თურქეთში იშხანისა და ოშკის რესტავრაცია და აღდგენა მიმდინარეობს, ხოლო ამის პარალელურად ახალციხეში ახმედიეს მეჩეთის რესტავრაციასა და ბათუმში აზიზიეს მეჩეთის აშენებაზე თავის დროზე მოლაპარაკება მიღწეული იყო.